|
Аҧсны Қырҭтәыла анапхгара ҿыц азы иархиеит ақырҭуа-аҧсуа еизыҟазаашьақәа рҭышәныртәаларазы ажәалагалақәа |
|
РИА "Новости" Қарҭ иҟоу ООН аофис аҿы ишарҳәаз ала, ажәалагала ҿыцқәа рпакет ООН Агенералтә Mаӡаныҟәгаҩ Қырҭтәылазы Ихаҭарнак Ҳаиди Талиавини Жьырныҳәа 12 рзы Аҧсны лыҟазаараан илыҭахоит.
Аҧсны аҳәынҭқарра аиҳабыра Қырҭтәыла анапхгара ҿыц ирабжьанагоит Аҧсны азҵаара аӡбаразы амч ахархәара мап ацәкра, уанӡатәи аиқәшаҳаҭрақәа рынагӡара, акриминалтә гуҧқәа рҿагылара.
Аҧсны анапхгара ражәалагалақәа Ҳаиди Талиавини илҭароуп ҿыц иалырхыз апрезидент Михаил Саакашьвили. ООН Агенералтә Mаӡаныҟәгаҩ Қырҭтәылазы Ихаҭарнак иазлырхиоит ақырҭуа-аҧсуа конфликт аҭышәныртәаларазы аситуациа зеиҧшроу аазырҧшуа ажәа. Уи рыҭахоит ООН Ашәарҭадаратә Комитет Асовет ахь.
12.01.2004 ITA Apsny Online
|
|
Аурыс театр ахыбраҿы имҩаҧысит 11 минуҭ ицо Аҧсны анимациатә киностудиа аҿы иаҧҵаз анимациатә фильм апрезентациа |
|
Афильм аус адырулеит асахьаҭыхҩы Дочиеи акомпиутертә специалист Кетиеи.
Анимациатә киностудиа аиҭашьақәыргылареи акомпиутертә технологиа ҿыцқәа раҧҵареи мҩаҧгахеит Швеицариатәи аҿиара иазку агентра ацхыраарала.
Швеицариа аган ахь ала апроект еиҳабыс дамоуп Жан Марк Данто, Аҧсны аган ахь ала - Рита Ҧациа.
Аҧсуа аниматорцәа анимациатә кино аҟаҵаразы акомпиутертә программа шьақәдыргылеит.
12.01.2004 ITA Apsny Online
|
|
Москва иҟоу Қырҭтәыла Ахаҭарнак Урыстәылатәи апаспортқәа Аҧсны рыҭара дақәыӡбеит |
|
Москва иҟоу Қырҭтәыла Ахаҭарнак Зураб Абашьиӡе Урыстәылатәи апаспортқәа Аҧсны рыҭара дақәыӡбеит. "Ари еиҧш иҟоу ашьаҿақәа исуверену аҳәынҭқарра азакәан иаҿагылоит, иара убасгьы жәларбжьаратәи анормақәа ирықәшәом", - иҳәеит уи, Урыстәылатәи амассатә информациа ахархәагақәа иаарыцҳауа ажәабжьқәа акомментари рызуа.
12.01.2004 ITA Apsny Online
|
|
Ҳаиди Талиавини: "Қырҭтәыла апрезидент Аҧсни иареи рдиалог дазхиоуп" |
|
Абас лҳәеит Аҧсны авице-президенти лареи реиқәшәараҿы ООН Агенералтә Mаӡаныҟәгаҩ Қырҭтәылазы Ихаҭарнак Ҳаиди Талиавини. "Қырҭтәыла ахада ҿыц Жьырныҳәа 25 рзы иҟалараны иҟоу иинаугурациа ашьҭахь имҩаҧгазар ҟалон макьана имҩаҧымсыц ақырҭуа-аҧсуа еиҿцәажәарақәа".
Авице-президент Валери Аршба ишазгәеиҭаз ала, аиҿцәажәаратә процесс ацҵаразы, насгьы ҧхьаҟа ацаразы Қырҭтәыла аибашьратә риторика мап ацәнакыроуп, насгьы ақырҭуа спецмаҵзурақәа рдиверсиатә-террортә усмҩаҧгарақәа ирҟәаҵроуп.
Жәабран азы Женева имҩаҧысраны иҟоуп ООН иҳараку ахаҭарнакцәеи ООН Агенералтә Mаӡаныҟәгаҩ Аҧсны азҵаара аҭышәныртәаларазы иҩызцәеи реиқәшәара.
Аконфликт иалоу аганқәа ари аиқәшәараҿы рхы аладырхәыр ҟалоит.
12.01.2004 ITA Apsny Online
|
|
Урыстәылатәи апаспорт иреиҕьу ҳамҭоуп |
|
Ашықәс Ҿыц аныҳәа азгәаҭара ашьҭахь идырҿыцит Аҧсны иаланхо Урыстәылатәи апаспортқәа рыҭара. Уи аиоура зҭаху хыҧхьаӡара рацәала иқәгыланы иазыҧшуп апаспорт аиоура. Урыстәыла ауаатәыҩса ироуа адокументқәа рахь ари ак ауп Урыстәыла атерриториа анҭыҵ ирыҭахо.
12.01.2004 ITA Apsny Online
|
| Ареспублика Аҧсны Апарламент аспикер Нугзар Ашәба икомментари |
|
"Сара исҭахуп Қырҭтәыла иҟанаҵаз алхра гханы иҟамларц, уи иалнахыз апрезидент атәыла аибашьратә авантиура ҿыц иалаимгаларц. Ҳара иаҳгулоу Қырҭтәыла имҩаҧысыз алхрақәа уи аҩныҵҟатәи усуп", - абри аҩыза акомментари азиуит ари ахҭыс Апарламент аспикер Нугзар Ашәба.
"Ҳара иаадыруеит Қырҭтәыла анапхгара ҿыц Аҧсны уи иахәҭакны мацара ишахәаҧшуа. Аха ҳара- зхы иақәиҭу ҳәынҭқарроуп, уи ҳацәхьаҵрангьы ҳаҟам. Аиҟарареи, аигулара бзиеи роуп ҳара ҳзышьҭоу, иагьаҳҭахуп атәыла анапхгара ҿыц уи еилыркаарц", - иҳәеит апарламент аспикер.
10.01.2004 ITA Apsny Online
|
|
2004 шықәса Ареспублика Аҧсны апрезидент иалхрақәа ирышықәсоуп |
|
Иаҳхысыз ашықәс адепутатцәа аҩбатәи аҧхьараан ирыдыркылеит "Жәлар реизара- Ареспублика Аҧсны Апарламент - ахь алхрақәа рзы азакәан. "Ари азакәан алхрақәа рсистема зегьы азын шьаҭас иҟалоит",- иҳәеит "Аҧсныпресс" иаиҭаз аинтервиу аҿы апарламент аспикер Нугзар Ашәба.
10.01.2004 ITA Apsny Online
|