AҦCУAA  PЫБЖbbI
-------------------- Aҧcнынтәи aжәабжь ҿыцқәа --------------------


 
 Урыстәылатәи аҭынчра аиламгаразы аколлективтә мчқәа рротациа хыркәшоуп

 

СНГ аҭынчра аиламгаразы аколлективтә мчқәа рпресс-гуҧ анапхгаҩы акапитан Владимир Аникин излеиҳәаз ала, Урыстәылатәи аҭынчрахьчаратә мчқәа рротациа хыркәшоуп.

 

Ақалақь Маикоп 526-тәи амото-хысратә баталион иаднакылеит аҭынчрахьчаратә миссиа анагӡаразы иаҭаху арратә техника зегьы, иара убас материалтә хархәагақәа. Уи аҿаҧхьа иқәгылоу аҭынчра аиламгаразы аоперациа иадҳәалоу адҵақәа рынагӡара нап анаркит.

 

Акапитан Владимир Аникин иажәақәа  рыла, 526-тәи амото-хысратә баталион иаҧсахуа 529-тәи абриагада аасҭа хыҧхьаӡарала еиҳам.

 

05.06.2006  Аҧсныпресс

 
 Ашкол "Альфа" аҿы имҩаҧысит аҧсуа рҵаратә цхыраагӡақәа рпрезентациа

 

Ашкол "Альфа" аҿы имҩаҧысит аиҵбыратәи ашкол азы аҧсуа рҵаратә цхыраагӡақәа рпрезентациа.

 

Уи иалахәын авице-президент Рауль Ҳаџьымба, Аҧснытәи ауниверситет аҧсуа бызшәеи алитературеи ркафедра аусуҩцәа, ашкол арҵаҩцәа, аҵаҩцәа, урҭ  рҭаацәа.

 

02.06.2006  Аҧсныпресс

 
 Рашәара 1 - Жәларбжьаратәи ахәыҷқәа рыхьчара Амш ауп

 

Рашәара 1 азы Аҧсны иазгәарҭеит Жәларбжьаратәи ахәыҷқәа рыхьчара Амш. Аҟәа атеатр аҿаҧхьа имҩаҧысит ашкол ахь ацара зҽазыҟазҵо ахәыҷқәа рзы "Илахҿыху аицлабрақәа", иара убас асфальт аҿы асахьаҭыхразы аицлабрақәа.

 

Аҧсны аҿар Аҩны ахәылбыҽха ахәыҷқәа иднарбеит аспектакль "Инхон-инҵуан мҵык". Аныҳәа хнаркәшеит афеиерверк.

 

01.06.2006  Аҧсныпресс

 

 

 

Hit Counter